ევრობასკეტ 2025-ზე საქართველოს ნაკრებმა მორიგი მატჩი გამართა.
ჯგუფური ეტაპის მე-4 ტურში ჩვენი გუნდის მეტოქე ტურნირის თანამასპინძელი კვიპროსი იყო.
თამაშის პირველი მეოთხედი თანაბარი გამოდგა და ქართველებმა მხოლოდ 13-15 მოიგეს, თუმცა მეორე მეოთხედიდან ჯიკიჩის გუნდის უპირატესობა გაიზარდა.
საბოლოოდ საქართველოს ნაკრებმა დამაჯერებლად იმარჯვა (61-93) და მიმდინარე ტურნირზე მეორე მოგება გაიფორმა.
ჩვენს გუნდს ქულებში თორნიკე შენგელიამ ულიდერა, რომელმაც 27 ქულა მიითვალა. გამოსარჩევია გოგა ბითაძის სტატისტიკაც, რომელმაც 21 ქულა და 13 მოხსნა დააგროვა.
დღეს C ჯგუფის პირველ მატჩში ბოსნია და ჰერცეგოვინამ საბერძნეთი დაამარცხა და ასევე მეორე გამარჯვება ჩაიწერა აქტივში. დღის ბოლოს ესპანეთი იტალიას დაუპირისპირდება.
ბოლო ტურში საქართველოს მეტოქე ბოსნიის ნაკრები იქნება, რომელთანაც გამარჯვების შემთხვევაში ეროვნული გუნდი ევრობასკეტის 1/8 ფინალში გავა.
საქართველოსა და ბოსნიის დაპირისპირება კვიპროსის ქალაქ ლიმასოლში 4 სექტემბერს გაიმართება.
