FIFPRO-ს 2025 წლის კაცთა მსოფლიო თერთმეტეული უკვე გამოცხადდა, წლის სიმბოლური ნაკრები 68 ქვეყნის 20000-ზე მეტი პროფესიონალი ფეხბურთელის ხმების საფუძველზე შეირჩა.
წლის გუნდში პარი სენ-ჟერმენის 5 მოთამაშე მოხვდა, რაც კლუბის დომინანტურ სეზონს ასახავს.
18 წლის ასაკში ლამინ იამალი FIFPRO-ს კაცთა მსოფლიო თერთმეტეულების ისტორიაში ყველაზე ახალგაზრდა მოთამაშე გახდა. ესპანელმა კილიან მბაპეს რეკორდი გააუმჯობესა, 2018 წელს ფრანგი თავდამსხმელი გუნდში 19 წლის ასაკში მოხვდა.
2025 წლის გუნდი გამოცდილ ვარსკვლავებსა და ახალ თაობას აერთიანებს. მბაპემ და ვირჯილ ვან დაიკმა კვლავ დაადასტურეს თავიანთი სტაბილურობა, ისინი უკვე მეექვსედ და მეხუთედ მოხვდნენ მსოფლიო თერთმეტეულში. ამავდროულად, ნუნუ მენდეში, ვიტინია, პედრი, კოულ პალმერი, უსმან დემბელე და იამალი პირველად არიან სიმბოლურ გუნდში.
ჯანლუიჯი დონარუმა (იტალია); აშრაფ ჰაკიმი (მაროკო), ვირჯილ ვან დაიკი (ნიდერლანდები), ნუნუ მენდეში (პორტუგალია); კოულ პალმერი (ინგლისი), ჯუდ ბელინგემი (ინგლისი), პედრი (ესპანეთი), ვიტინია (პორტუგალია); ლამინ იამალი (ესპანეთი), კილიან მბაპე (საფრანგეთი), უსმან დემბელე (საფრანგეთი).
აღნიშნულ მოთამაშეებს შორის ყველაზე მეტი ხმა ლამინ იამალმა მიიღო - 10167.
როგორც უკვე ვთქვით, მბაპე FIFPRO-ს თერთმეტეულში მეექვსედ არის, რითიც ყველა დროის სიაში მე-6 ადგილზე გადაინაცვლა. 2005 წლიდან მოყოლებული სიმბოლურ გუნდში ყველაზე მეტჯერ ლიონელ მესი მოხვდა.
ლიონელ მესი - 17
კრიშტიანუ რონალდუ - 15
სერხიო რამოსი - 11
ანდრეს ინიესტა - 9
დანი ალვეში - 8
მარსელო, კილიან მბაპე, ლუკა მოდრიჩი, ჩავი - 6
იკერ კასილიასი, კევინ დე ბრუინი, ჯონ ტერი, ვირჯილ ვან დაიკი - 5
ერლინგ ჰალანდი, ტონი კროოსი, მანუელ ნოიერი, ჟერარ პიკე - 4
ჯუდ ბელინგემი, ჯანლუიჯი ბუფონი, სტივენ ჯერარდი, კაკა, კარლეს პუიოლი, რონალდინიო, ტიაგო სილვა - 3
კლუბების მიხედვით ყველა დროის სიაში რეალი და ბარსელონა დიდ უპირატესობას ფლობენ.
რეალი - 65
ბარსელონა - 57
პსჟ - 21
მანჩესტერ სიტი - 17
ბაიერნი, იუვენტუსი - 16
ჩელსი - 15
ლივერპული - 14
მანჩესტერ იუნაიტედი, მილანი - 12
დორტმუნდი, ინტერი - 3
აიაქსი - 2
არსენალი, ატლეტიკო, ინტერ მაიამი, ვალენსია - 1
ეროვნების მიხედვით კი ლიდერი ესპანეთია.
ესპანეთი - 49
ბრაზილია - 36
პორტუგალია - 21
საფრანგეთი - 19
არგენტინა, ინგლისი - 18
იტალია - 15
გერმანია - 12
ბელგია, ნიდერლანდები - 9
ხორვატია - 6
ნორვეგია - 4
კამერუნი, მაროკო, პოლონეთი, სერბეთი - 2
ავსტრია, კანადა, კოლუმბია, კოტ დ'ივუარი, შვედეთი, უკრაინა, ურუგვაი - 1
კონტინენტურად დიდი უპირატესობა ევროპას აქვს.
ევროპა - 169
სამხრეთ ამერიკა - 56
აფრიკა - 5
ჩრდილოეთ ამერიკა - 1
