მადრიდის რეალის ახალმა მთავარმა მწვრთნელმა, ჟოზე მოურინიომ, Beast Mode On პოდკასტში სტუმრობისას განაცხადა, რომ თავისი 26-წლიანი საფეხბურთო კარიერიდან მხოლოდ ერთი შეხვედრის გადათამაშებას ისურვებდა.
პორტუგალიელმა სპეციალისტმა ისევ ევროპა ლიგის ფინალი და ინგლისელი მსაჯი ენტონი ტეილორი გაიხსენა.
როდესაც აპატი ბაიო აკინფენვამ მოურინიოს ჰკითხა, თუ რომელ მატჩში ისურვებდა მეორე შანსს, ჟოზეს პასუხი კონკრეტული იყო:
რომა - სევილია, ევროპა ლიგის ფინალი. ოღონდ ენტონი ტეილორის გარეშე!
მოურინიო პირველი მწვრთნელია, ვინც უეფას სამივე საკლუბო ტურნირი (ჩემპიონთა ლიგა, ევროპა ლიგა, კონფერენს ლიგა) მოიგო, თუმცა რომასთან ერთად სევილიასთან პენალტების სერიაში წაგება მის კარიერაში პირველი წაგებული ევროფინალი აღმოჩნდა, რაშიც დღემდე მსაჯს ადანაშაულებს.
ნაკრებების მსოფლიო ჩემპიონატის პარალელურად, 56 წლის სპეციალისტი მადრიდის რეალში მეორე ვადით სამუშაოდ ემზადება, სადაც 3-წლიანი კონტრაქტი გააფორმა და ისეთ ვარსკვლავებთან მოუწევს მუშაობა, როგორებიც კილიან მბაპე, ვინისიუს ჟუნიორი და ჯუდ ბელინგემი არიან. მოურინიომ ინტერვიუში კარიერის ყველაზე ემოციურ მომენტად რომში კონფერენს ლიგის მოგება და კოლოსეუმთან გამართული აღლუმი დაასახელა, ხოლო ყველაზე რთულ გასვლით სტადიონად ენფილდი მიიჩნია.
