გამოცემა Footballweek-მა ქართულ ფეხბურთზე ვრცელი ანალიტიკური წერილი გამოაქვეყნა, სადაც საქართველოს ურუგვაის ადარებს და ქვეყანას ევროპული კლუბებისთვის ტალანტების ერთ-ერთ მთავარ მიმწოდებლად მოიხსენიებს.
სტატიის მიხედვით, ბოლო ოთხი წლის განმავლობაში ქართველი ფეხბურთელების ტრანსფერების ჯამურმა ღირებულებამ 175 მილიონ ევროს გადააჭარბა, ევროპის ტოპ-5 ლიგაში კი ამჟამად 13 ქართველი ლეგიონერი ირიცხება.
გამოცემა აღნიშნავს, რომ ეროვნული ლიგა ტალანტების აღზრდისა და ევროპული გუნდებისთვის მომზადების „სათბურია“ და არა საბოლოო დანიშნულების ადგილი.
ეს მოდელი ძალიან ჰგავს ურუგვაის საფეხბურთო რეალობას, სადაც მსგავსი მოსახლეობის პირობებში ახალგაზრდა მოთამაშეები ადრეულ ასაკშივე ტოვებენ სამშობლოს.
მთავარ აკადემიებად, რომლებიც ევროპულ ბაზარს კადრებით ამარაგებენ, დინამო თბილისი და თბილისის იბერია სახელდებიან.
