როგორ ცდილობს პსჟ კვარას შენარჩუნებას?

პარი სენ-ჟერმენის ხელმძღვანელობამ და სამწვრთნელო შტაბმა ხვიჩა კვარაცხელიასთვის ახალი, გაუმჯობესებული კონტრაქტის შეთავაზება გადაწყვიტეს.

პარიზში კვარაცხელიას არა მხოლოდ მოედანზე ნაჩვენები შედეგებით, არამედ მისი უმაღლესი პროფესიონალიზმითა და სამუშაო მენტალიტეტით უკიდურესად კმაყოფილები არიან, რის გამოც კლუბს სურს, რომ ის მათი გრძელვადიანი და ამბიციური პროექტის მთავარი ფიგურა იყოს.

მიუხედავად იმისა, რომ მხარეებს შორის მოქმედი ამჟამინდელი ხელშეკრულება ძალაში 2029 წლამდეა, პსჟ ცდილობს, ფეხბურთელის სტატუსი და ხელფასი მის რეალურ დონეს შეუსაბამოს.

შეთავაზება ითვალისწინებს ახალ, 5-წლიან კონტრაქტს და ფინანსური პირობების მნიშვნელოვან გაუმჯობესებას. ამ ნაბიჯით პარიზული კლუბი ცდილობს, თავიდან აიცილოს ყოველგვარი სატრანსფერო რისკი და მომავალშიც უზრუნველყოს გუნდის შემტევი ხაზის ლიდერის სტაბილურობა.

უახლოეს კვირებში მხარეებს შორის ოფიციალური მოლაპარაკებები კიდევ უფრო აქტიურ ფაზაში გადავა, სადაც ახალი ხელშეკრულების დეტალები საბოლოოდ გაირკვევა.