გაიცანი იბერიას მეტოქე ისტორიულ დაპირისპირებაში - როგორ მდგომარეობაშია სენტ-ტრუიდენი?

იბერია 1999 კონფერენს ლიგის ლიგის ფაზის პირველ მატჩში სენტ-ტრუიდენს დაუპირისპირდება.

ეროვნული ლიგის ჩემპიონი თბილისის იბერია 1999 უეფა-ს კონფერენს ლიგის ლიგის ფაზის სადებიუტო შეხვედრას 15 ოქტომბერს, თბილისის დროით 23:00 საათზე, სტუმრად სენტ-ტრუიდენის წინააღმდეგ გამართავს.

ბელგიური კლუბი სეზონის სტარტს რთულ პერიოდში ხვდება. გუნდმა ბოლო ხუთი შეხვედრიდან ოთხი წააგო და ჟუპილერ პრო ლიგის მიმდინარე გათამაშებაში, 8 მატჩში, საკუთარ კარში უკვე 16 გოლი მიიღო.

შედეგად, მთავარი მწვრთნელის, ფრედერიკ დე მეიერის მიმართ კრიტიკა გაიზარდა, თუმცა ფეხბურთელებმა, მათ შორის სამედ ბაზდარმა, საჯაროდ დაუჭირეს მხარი თავკაცს და აღნიშნეს, რომ გუნდი მწვრთნელის გეგმას ბოლომდე ენდობა.

1924 წელს დაარსებული სენტ-ტრუიდენი 14 600 მაყურებელზე გათვლილ საშინაო არენაზე თამაშობს, მისი ისტორიული საუკეთესო მიღწევა კი 1965-1966 წლების სეზონში მოპოვებული ბელგიის ვიცე-ჩემპიონობაა.

მიმდინარე სეზონში ბელგიური გუნდის შეტევის ლიდერები სამედ ბაზდარი (5 გოლი) და ილიას სებაუია (4 გოლი) არიან, რომლებმაც იბერია 1999-ის დაცვის ხაზისთვის მთავარ საფრთხეს წარმოადგენენ.