გალიარდო მიდის — რივერ პლეიტი მწვრთნელის გარეშე რჩება

რივერ პლეიტის მთავარმა მწვრთნელმა, 50 წლის მარსელო გალიარდომ, თანამდებობის დატოვების შესახებ განაცხადა.

ბუენოს-აირესულმა კლუბმა სპეციალისტის მიმართვა უკვე გამოაქვეყნა, სადაც ის აღნიშნავს, რომ არგენტინის ჩემპიონატის მატჩი ბანფილდის წინააღმდეგ მისთვის ბოლო იქნება ამ პოსტზე.

მიმდინარე სეზონში რივერ პლეიტის შედეგები არასტაბილურია: გუნდმა 6 მატჩში მხოლოდ 2 გამარჯვება მოიპოვა, 1 ფრედ დაასრულა და 3-ჯერ დამარცხდა.

გალიარდო გუნდს 2024 წლის აგვისტოდან წვრთნიდა. საერთო ჯამში, მის ხელში კლუბმა 85 შეხვედრა გამართა, საიდანაც 37 მოიგო, 27 ფრედ დაასრულა და 21 წააგო.