გამარჯვების მიუხედავად - საქართველო პარიზის საგზურს დაემშვიდობა

ოლიმპიადის საკვალიფიკაციო ეტაპის შეხვედრაში საქართველოს საკალათბურთო ნაკრები ფილიპინებს დაუპირისპირდა.

მატჩი ქართველების გამარჯვებით 94-96 დასრულდა, თუმცა მიუხედავად მოგებისა, საქართველოს ნაკრები საკვალიფიკაციო ეტაპს გამოეთიშა.

ალეკსანდარ ჯიკიჩის გუნდი ლატვიასთან პირველ შეხვედრაში 55-83 დამარცხდა, დღეს კი ფილიპინებთან 19 ქულით გამარჯვება სჭირდებოდა, რათა ჯგუფური ეტაპის ბარიერი დაეძლია, თუმცა ეროვნულმა გუნდმა ეს ვერ შეძლო, მიუხედავად იმისა, რომ პირველ ტაიმში 20-ქულიან უპირატესობასაც ფლობდა.

ფილიპინებთან მატჩში საქართველოს ნაკრებიდან 10+ ქულა ხუთმა მოთამაშემ დააგროვა.

სანდრო მამუკელაშვილი - 26 ქულა

გოგა ბითაძე - 21 ქულა

თორნიკე შენგელია - 17 ქულა

ჯო ტომასონი - 14 ქულა

დუდა სანაძე - 13 ქულა