გარი ნევილი: "მეგონა ამორიმის ყველაფერს დაალაგებდა, მაგრამ გაცილებით უარესი გახდა"

გარი ნევილმა თქვა, რომ რუბენ ამორიმის მანჩესტერში მისვლამ მისი მოლოდინი ვერ გაამართლა.

„მეგონა, რომ რუბენ ამორიმის მოსვლით ყველაფერი დალაგდებოდა. ვფიქრობდი, რომ ენთუზიაზმი გაჩნდებოდა, გვექნებოდა ახალი სისტემა, დავიმატებდით ახალ ფეხბურთელებს და ზრდას ვიხილავდით.

ახლა კი, სრულიად განსხვავებულ სურათს ვხედავთ. იმაზე გაცილებით უარესს, რაც იქამდე იყო და ეს გასაკვირია. თუმცა, სეზონის ბოლოსკენ კიდევ უფრო მტკივნეული და გამანადგურებელი იქნება.

აშკარაა, რომ ამორიმი დარჩება, მაგრამ რაც უფრო მეტს აგებ, მით უფრო რთულია დააჯერო ფეხბურთელებს შენი იდეა. დააჯერო ის, რასაც ის პირველ დღეებში ლაპარაკობდა. საჭიროა, რომ ფეხბურთელებმა მისი იდეა ირწმუნონ, მაგრამ თუ ისინი წაგებებს აგრძელებენ, მათი კრიტიკა გრძელდება, მაშინ უფრო მეტი ყურადღება ექცევათ და გულშემატკივართა უკმაყოფილებაც იზრდება.

მუდმივად წაგება არ შეიძლება. ეს ფეხბურთელებს იქამდე ანადგურებს, რომ ისინი იდეისადმი რწმენას კარგავენ. ეს მომავალი სეზონის სტარტსაც გაგვიფუჭებს. მან რაღაც უნდა შეცვალოს. ის ვერ ცვლის მიდგომას, ამიტომ ბოლომდე თავისას ცდილობს. ეს სწორიც არის. ვფიქრობ, მანჩესტერში მოსვლის შემდეგ მან უფრო მეტი თამაში წააგო, ვიდრე სპორტინგთან ერთად ბოლო 75 მატჩში.

მას ეს არ მოეწონება, მაგრამ ვფიქრობ, ყველაფერი უფრო უნდა გაამარტივოს. შეიძლება არ მოსწონდეს ჰოილუნდი, არ მიაჩნდეს ზირკზე საკმარისად კარგ ფეხბურთელად, ან სხვა რომელიმე ფეხბურთელს ითვალწუნებდე,ს მაგრამ ის უნდა ირჩევდეს იმ ფეხბურთელებიდან, ვინც განკარგულებაში ჰყავს და მათზე ამყარებდეს იმედებს.

ასე ვეღარ გაგრძელდება, გუნდმა როგორმე უკეთ უნდა დაიწყოს თამაში, მაგრამ საიდან მოვა ეს? უნდა ვთქვა, რომ ამჟამად მანჩესტერი სატირალ სიტუაციაში იმყოფება." - აღნიშნა ნევილმა.