გერმანიის ნაკრებმა ზედიზედ მესამე მატჩი წააგო

2026 წლის მსოფლიო ჩემპიონატის საკვალიფიკაციო ეტაპზე გერმანიის ნაკრებმა პირველი მატჩი გამართა.

იულიან ნაგელსმანის გუნდი სლოვაკეთს ესტუმრა და 2-0 დამარცხდა. მასპინძელი გუნდის მხრიდან გოლები დავიდ ჰანცკომ და დავიდ სტრელეცმა გაიტანეს.

გერმანიის ნაკრებმა უკვე ზედიზედ მესამე მატჩი წააგო. ბუნდესნაკრები ერთა ლიგაზე პორტუგალიასთან და საფრანგეთთან დამარცხდა, მანამდე კი იტალიასთან ფრე ითამაშა.

აღსანიშნავია, რომ გერმანიის ნაკრებმა მსოფლიო ჩემპიონატის საკვალიფიკაციო ეტაპზე გასვლითი მატჩი პირველად დათმო.

გერმანელებთან და სლოვაკებთან ერთად ამ ჯგუფში ლუქსემბურგი და ჩრდილოეთ ირლანდია არიან. მათ შორის მატჩი ამ უკანასკნელის გამარჯვებით 1-3 დასრულდა.

ნაგელსმანის გუნდი 7 სექტემბერს სწორედ ჩრდილოეთ ირლანდიას უმასპინძლებს.