კანზას სიტიში გამართულ UFC-ის საბრძოლო ღამეს გიგა ჭიკაძე დავიდ ონამას დაუპირისპირდა და 3-რაუნდიან ბრძოლაში დამარცხდა.
ონამამ სამივე მსაჯის ერთსულოვანი გადაწყვეტილებით გაიმარჯვა (28-29, 28-29, 28-29).
მსაჯებმა პირველი რაუნდი ჭიკაძეს მისცეს (10-9), მე-2 და მე-3 (9-10, 9-10) რაუნდები კი ონამამ წაიღო და საბოლოოდ მოიგო კიდეც.
ქართველმა პირველი რაუნდი სტრაიკინგის ხარჯზე მოიგო, თუმცა ონამა შემდეგ რაუნდებში ჭიდაობით გავიდა ფონს, რამაც გაამართლა.
UFC-ში ეს გიგას მე-3 მარცხია, ონამამ კი ორგანიზაციაში ზედიზედ მე-4 გამარჯვება მოიპოვა და ქვემსუბუქი დივიზიონის განახლებულ რეიტინგში ტოპ 15-ში ადგილსაც დაიკავებს.
გვჯერა, რომ ნინძა უფრო ძლიერი დაბრუნდება, ბრძოლა გრძელდება!
