პარასკევს ხვიჩა კვარაცხელიას პსჟ ლიგა 1-ში პირველი გამარჯვების მოპოვებას შეეცდება, ლა ლიგაში კი ერთმანეთს გიორგები დაუპირისპირდებიან - ამ კვირაში ქართველების მონაწილეობით არაერთი საინტერესო მატჩი გველის.
პსჟ v მონაკო
ზედიზედ ორი გასვლითი 2:2-ის შემდეგ ლუის ენრიკეს გუნდი პარიზში ბრუნდება - პსჟ პარკ დე ფრანსზე მონაკოს უმასპინძლებს და ლიგა 1-ში პირველი გამარჯვების მოპოვებას შეეცდება. შეგახსენებთ, რომ კვარაცხელიამ პირველი პარიზული გოლი სწორედ მონეგასკებს გაუტანა და წლევანდელი ფრანგული სეზონის გახსნასაც მათ წინააღმდეგ შეეცდება - მატჩი პარასკევს, 4 სექტემბერს, 23:05-ზე აიღებს სტარტს.
სევილია v ესპანიოლი
გიორგი ქოჩორაშვილს სევილიაში არც ისე წარმატებული დებიუტი გამოუვიდა - ანდალუსიური კლუბი ატლეტიკოსთან 3:1 დამარცხდა, ქართველი თამაშში 55-ე წუთზე ჩაერთო, როდესაც მადრიდული კლუბი უკვე სამბურთიანი უპირატესობით იგებდა. ლუის გარსიას გუნდი ხასიათის გამოკეთებას შინ, ესპანიოლის წინააღმდეგ შეეცდება - მატჩი კვირას, 6 სექტემბერს 23:00-ზე დაიწყება.
სასუოლო v ფროზინონე
ბრწყინვალე მატჩი გამოუვიდათ გიორგი კვერნაძეს და ფროზინონეს ფიორენტინასთან - კანარებმა ფლორენციელები სტუმრად 3:0 გაანადგურეს, კვერნაძემ 90 წუთი ითამაშა და ბრწყინვალე საგოლე გადაცემაც შეასრულა. ფროზინონე შემდეგ მატჩს იტალიის თასზე სასუოლოს წინააღმდეგ გამართავს - მატჩი ოთხშაბათს, 2 სექტემბერს 17:00-ზე აიღებს სტარტს.
ვილიარეალი v დეპორტივო
დეპორტივო ალავესთან მინიმალური ანგარიშით მარცხის შემდეგ გიორგი მიქაუტაძის ვილიარეალი პიერ-ემერიკ ობამეიანგის დეპორტივო ლა კორუნიას დაუპირისპირდება - მიქაუტაძის ანგარიშზე სამ მატჩში ერთი გოლი და ერთი საგოლე გადაცემაა, ვეტერანმა გაბონელმა მეტოქეთა კარის აღება სამივე ტურში შეძლო. საინტერესო დაპირისპირება შაბათს, 5 სექტემბერს, 23:00-ზე ესტადიო სერამიკაზე გაიმართება.
ფიურტი v ჰაიდენჰაიმი
ბუდუ ზივზივაძის გუნდმა ბუნდესლიგა 2 მშვენივრად დაიწყო - ჰაიდენჰაიმმა პირველ სამ ტურში ორჯერ იმარჯვა და ცხრილის მეოთხე პოზიციაზეა. მესამე ტურში ფრანკ შმიტის შეგირდებმა შინ დინამო დრეზდენი 5:3 დაამარცხეს, მეოთხე ტურში კი სტუმრად ფიურტს ეწვევიან - მატჩი კვირას, 6 სექტემბერს 15:30-ზე დაიწყება.
რაიო ვალეკანო v რასინგი
ესპანეთის ჩემპიონატის მეოთხე ტურში ერთმანეთს ქართველების გუნდები დაუპირისპირდებიან - გიორგი წიტაიშვილის რაიო ვალეკანო გიორგი გულიაშვილის რასინგს მიიღებს. გულიაშვილი მოედანს სამთვენახევრიანი პაუზის შემდეგ დაუბრუნდა - ქართველი ელჩესთან მატჩში სათადარიგოთა სკამიდან ჩაერთო.
31 აგვისტო - საზონოვის ხეტაფე v ოსასუნა
2 სექტემბერი - გოგლიჩიძისა და ჩაკვეტაძის უდინეზე v ვენეცია
4 სექტემბერი - მამარდაშვილის ლივერპული v იფსვიჩი
4 სექტემბერი - გიორგი გოჩოლეიშვილისა და იური ტაბატაძის კადიზი v ალმერია
5 სექტემბერი - დავითაშვილის სენტ-ეტიენი v მონპელიე
