გადაცემა El Chiringuito-ს ცნობილმა ანალიტიკოსმა და ესპანური გამოცემა AS-ის მთავარი რედაქტორის მოადგილემ, ტომას რონსერომ, ლა ლიგის მე-5 ტურში მადრიდის რეალისა და რაიო ვალეკანოს მატჩის შემდეგ გუნდის შემადგენლობაზე ისაუბრა.
შაბათს რეალმა სანტიაგო ბერნაბეუზე 4-1 გაიმარჯვა და სატურნირო ცხრილის სათავეში ბარსელონას ქულებით გაუთანაბრდა.
მადრიდისტა რონსერომ AS-თან საუბრისას აღნიშნა:
გიულერი გუნდის შუქურაა, ბერნარდო მადრიდს ორგანიზებულობასა და ბალანსს ანიჭებს, ხოლო არდა ისაა, ვინც მაგიას ქმნის და გადამწყვეტ შტრიხს ამატებს
მან ასევე დაამატა: „ბოლო 20 წუთის განმავლობაში მადრიდის რეალი არა მხოლოდ გამოვიდა ლეთარგიული მდგომარეობიდან, არამედ საფრთხის შექმნაც დაიწყო. ეს სრულიად განსხვავებული მატჩია. დიომანდეს მოედანზე შეყვანა აუცილებლობაა იმ თანხიდან გამომდინარე, რაც კლუბმა მის ტრანსფერში გადაიხადა, მაგრამ მან ან უნდა გაიბრწყინოს და თავი დაამტკიცოს, ან გიულერი ითამაშებს.“
მატჩისშემდგომ პრესკონფერენციაზე ჟურნალისტებმა მადრიდის რეალის მთავარ მწვრთნელ ჟოზე მოურინიოსაც მიმართეს კითხვით, თუ რატომ დარჩა არდა გიულერი სათადარიგოთა სკამზე იან დიომანდეს სასარგებლოდ.
