გოგლიჩიძემ თურქეთში გადასვლაზე უარი თქვა

Geo Team-ის ინფორმაციით, გალათასარაიმ ემპოლის საბა გოგლიჩიძის ტრანსფერზე მიმართა და აცნობა, რომ მზად იყვნენ ქართველ მცველში 12 მილიონი ევრო გადაეხადათ.

როგორც წყარომ შეიტყო, თავად ფეხბურთელმა წინადადებაზე უარი თქვა.

რომამ გალათასარაიდან დანიელი მცველი ვიქტორ ნელსონი დაიმატა. სწორედ მის მთავარ შემცვლელად განიხილავდა თურქული კლუბი საბა გოგლიჩიძეს.

საბა გოგლიჩიძის რომაში ტრანსფერი სატრანსფერო თანხის გამო ვერ შედგა. დედაქალაქელები მზად იყვნენ თანხა ზაფხულში გადაეხადათ, ემპოლის კი ფული ახლავე სურდა.

ქართველი მცველი მინიმუმ ზაფხულამდე ემპოლიში რჩება. საბას იტალიურ კლუბთან კონტრაქტი 2027 წლის ივნისამდე აკავშირებს.