მილანში მიმდინარე 2026 წლის ზამთრის ოლიმპიადაზე, დაიწყო ფიგურული ციგურაობის გუნდური ტურნირი, რომელშიც ანასტასია გუბანოვა ასპარეზობს.
გუბანოვა მაყურებლისა და მსაჯების წინაშე მოკლე პროგრამით გამოვიდა და 67.79 ქულა დაიმსახურა.
მის პერფორმანსამდე, მოკლე პროგრამაში ლუკა ბერულავასა და ანასტასია მეტელკინას წყვილმა 77.54 ქულა დააგროვა, დიანა დევისისა და გლებ სმოლკინის წყვილმა კი რიტმულ ცეკვაში მსაჯებისგან 78.97 დაიმსახურა.
პირველი დღის შემდეგ, გუნდური შეჯიბრების საერთო შედეგებით, საქართველოს ნაკრები 20 ქულით, ამ მომენტისთვის, მე-4 ადგილზეა.
ხვალ, ჩვენი გუნდის სახელით, ნიკა ეგაძე იასპარეზებს, რის შემდეგაც გაირკვევა, შეძლებს თუ არა საქართველოს ნაკრები ხუთეულში მოხვედრასა და მედლებისთვის ბრძოლის გაგრძელებას.
