ნიუკასლთან მიღებული კოჭის დაზიანების შემდეგ, ხვიჩა კვარაცხელიამ ვარჯიში განაახლა.
რამდენიმე პარიზული რესურსის მიერ გავრცელებულ ვიდეოებში ვხედავთ, რომ ხვიჩა ინდივიდუალურ დატვირთვებს იღებს, რაც გუნდურ პროცესში ჩართვის წინაპირობაა.
One Football-ის მიხედვით, ქართველი შემტევი მარსელთან კვირას გასამართ შეხვედრას გამოტოვებს, რის შემდეგაც მისი მოედანზე დაბრუნების შანსი უკვე მაღალი იქნება.
შეგახსენებთ, 28 იანვარს, ჩემპიონთა ლიგის მე-8 ტურში, ნიუკასლთან მატჩისას, ქართველი შემტევი 22-ე წუთზე დაშავდა მას შემდეგ, რაც ენტონი ელანგამ ვარდნისას მისი მარჯვენა ფეხი ჩაიყოლა და კოჭში სერიოზული დარტყმა მიაყენა.
კვარაცხელიას მიმდინარე სეზონში, ყველა ტურნირის ეგიდით, პსჟ-ს რიგებში ჩატარებულ 27 მატჩში 13 საგოლე მოქმედება აქვს - 7 გოლი და 6 ასისტი.
