VIDEO: მეზობლებთან არაამხანაგური სხვაობით - გოგონათა 17-წლამდელთა ნაკრებმა აზერბაიჯანი გაანადგურა

საქართველოს გოგონათა 17-წლამდელთა ნაკრებმა აზერბაიჯანის ამავე ასაკობრივ გუნდთან ამხანაგური მატჩი ჩაატარა და 6:0 გაიმარჯვა.

ჩვენების მხრიდან ანანო წიქარიძემ ჰეთ-თრიქი შეასრულა, მის გარდა, თეკლა ბერიძემ და ელენე ბოლქვაძემ შეაგდეს, კიდევ ერთი ბურთი კი, მარიამ ბერიძის აქტიურობის შედეგად, აზერბაიჯანელთა მცველმა აიან აბდიევამ საკუთარ კარში გაიტანა.

ჰეთ-თრიქთან ერთად, წიქარიძემ საგოლე პასიც გააკეთა, კიდევ ერთი ასისტი კი ნატო გუტიკაშვილის ანგარიშზეა.

საქართველო: თინიკო ჯაიანი (ელენე ბონდარევა; 69), ბარბარე მანაგაძე (ანი გოდერიძე; 61), ელენე ბოლქვაძე, ნინი ვეკუა, თამარ მარუაშვილი, ნატო გუტიკაშვილი (ანა გრიგალაშვილი; 61), ნინიკო ჩხეტიანი, ანი დავითულიანი, ანანო წიქარიძე (ბარბარე ბერუაშვილი; 69), ანასტასია ბუჩუკური (მარიამ ჯოჯუა; 61), თეკლა ბერიძე. მთ. მწვრთნელი: ტატა მატვეევა.

საქართველოსა და აზერბაიჯანის 17-წლამდე გოგონათა ნაკრებების მეორე ამხანაგური შეხვედრა 9 თებერვალს გაიმართება - სფფ-ის დიდი დიღმის საფეხბურთო ცენტრში, 13:00 საათიდან.