"გუნდელების მიმართ პატივისცემა საჭიროა" - ტუხელი ბელინგემზე

2026 წლის მსოფლიო ჩემპიონატის საკვალიფიკაციო ეტაპზე ალბანეთთან 0-2 მოგებული მატჩის შემდეგ, ინგლისის ნაკრების მთავარ მწვრთნელ ტომას ტუხელს ჯუდ ბელინგემის შესახებ ჰკითხეს.

„დავინახე, რომ ბელინგემი უკმაყოფილო იყო, როცა მოედნიდან გამოდიოდა. არ მინდა ამას ზედმეტი მნიშვნელობა მივანიჭო, მაგრამ ჩემს სიტყვებზე ვდგავარ, ქცევას მნიშვნელობა აქვს და პატივისცემა საჭიროა იმ თანაგუნდელების მიმართ, რომლებიც მოედანზე შემოდიან.

ეს არის მიღებული გადაწყვეტილება და ის ამას უნდა შეეგუოს. მისი მეგობარი კუთხეში იდგა და ელოდებოდა. საჭიროა ამის მიღება, პატივისცემა და თამაშის გაგრძელება.

ჯუდს ყვითელი ბარათიც ჰქონდა და ეს გადაწყვეტილება მეორე გოლის გატანამდე მივიღეთ, გადაწყვეტილება კი ძალაში დარჩა.“ - განაცხადა გერმანელმა სპეციალისტმა.

ინგლისელი ნახევარმცველი ალბანეთთან მატჩის საუკეთესო მოთამაშედ დასახელდა.

ისტორიაში მეორე ნაკრები, რომელმაც შესარჩევი გოლის გაშვების გარეშე ჩაამთავრა