გვარდიოლა: "მთვარეზე გაფრენაც კი შეგვიძლია, მაგრამ მაინც ერთმანეთს ვხოცავთ! რატომ? რისთვის?"

მანჩესტერ სიტის მთავარმა მწვრთნელმა, პეპ გვარდიოლამ, მსოფლიოში მიმდინარე შეიარაღებულ კონფლიქტებზე ისაუბრა:

„ახლა ჩვენ გვაქვს ტექნოლოგიური მიღწევები, კაცობრიობა ფლობს ისეთ უზარმაზარ შესაძლებლობებს, როგორიც არასდროს ჰქონია. ჩვენ შეგვიძლია მთვარეზე გაფრენა, ჩვენ ყველაფერი შეგვიძლია, მაგრამ მაინც ვხოცავთ ერთმანეთს. რისთვის? რატომ? მე ვხედავ სხვადასხვა კადრებს და ეს მტკივნეულია.

არასოდეს, არასოდეს კაცობრიობის ისტორიაში — არასოდეს გვქონია ასეთი ნათელი ინფორმაცია ჩვენს თვალწინ, როგორც ახლა: გენოციდი პალესტინაში, ის, რაც ხდება უკრაინაში, ის, რაც ხდება რუსეთში, ის, რაც ხდება მთელ მსოფლიოში — სუდანში, ყველგან.

ეს ყველაფერი ჩვენს თვალწინ ხდება. გვინდა ამის დანახვა თუ არა — ეს ჩვენი პრობლემაა, ადამიანების პრობლემა. ეს ჩვენი საერთო პრობლემებია.

საბოლოო ჯამში, არსებობს კადრები. ეს არ არის უბრალოდ მოსაზრებები იმაზე, თამაში კარგი იყო თუ ცუდი, რა მოხდა აქ თუ იქ, ან ვინ უნდა გამოსულიყო მოედანზე — ეს ფეხბურთელი თუ სხვა.“ — განაცხადა გვარდიოლამ.