მანჩესტერ სიტის მთავარი მწვრთნელი, პეპ გვარდიოლა იმედოვნებს, რომ გუნდის ახალწვეული მარკ გეჰი არსენალის წინააღმდეგ ლიგის თასის ფინალში თამაშს შეძლებს.
ტურნირის რეგლამენტის თანახმად, ფეხბურთელს თამაშის უფლება მხოლოდ იმ შემთხვევაში აქვს, თუ კლუბში ზამთრის სატრანსფერო ფანჯრის დროს, ნახევარფინალის პირველ მატჩამდე გადავა. სიტიმ გეჰი 19 იანვარს შეიძინა, ნიუკასლთან პირველი შეხვედრა კი 13 იანვარს ჩატარდა — სწორედ ეს 6-დღიანი სხვაობა გახდა პრობლემის მიზეზი.
„იმედი მაქვს, ორგანიზატორების დარწმუნებას შევძლებთ. ვერ ვიგებ, რატომ უნდა გამოტოვოს მან ფინალი. ფეხბურთელს დიდ ფულად ყიდულობ და წესის გამო, რომელიც არ მესმის, მოედანზე ვერ უშვებ.
იმედია, ამ წესს შეცვლიან. რატომ არ უნდა ითამაშოს გეჰიმ? ჩვენ მას ხელფასს ვუხდით, ის ჩვენი ფეხბურთელია“, — განაცხადა გვარდიოლამ.
ინგლისის ლიგის თასის ფინალი 22 მარტს, უემბლიზე გაიმართება.
