ჩელსის მთავარმა მწვრთნელმა, ლიამ როსენიორმა, ინგლისის ლიგის თასიდან არსენალთან გამოვარდნის შემდეგ (2:3, 0:1) მატჩი შეაფასა.
„მეორე ტაიმში იმ ზონებში ვდომინირებდით, სადაც გვსურდა, თუმცა ხარისხიანი მომენტის შექმნა ვერ მოვახერხეთ. როდესაც ისე აწვები მეტოქეს, როგორც ჩვენ ვაკეთებდით... ორივე ცენტრალური მცველი მოწინააღმდეგის საჯარიმოში გავგზავნეთ და ბოლო წუთებზე, ასეთ სიტუაციაში, მსგავსი რამ (კონტრშეტევის შედეგად გაშვებული გოლი) შეიძლება მოხდეს.
არსენალმა იცოდა, რომ დღეს, ისევე როგორც პირველ შეხვედრაში, კარგი მატჩი ელოდა. ვფიქრობ, პირველ თამაშთან შედარებით ჩვენს თამაშში გაუმჯობესება აშკარაა. დიახ, წაგება მტკივნეულია, რადგან გვინდოდა შემდეგ ეტაპზე გასვლა. ჩვენ უბრალოდ მუშაობა უნდა გავაგრძელოთ — და მე ვხედავ, რომ პროგრესი არის.
არ მინდა თავის თავის მართლება, მაგრამ პირველ მატჩამდე ბაზაზე ვირუსი გავრცელდა, ოთხი ფეხბურთელი დავკარგეთ, მე კი იმ მომენტისთვის გუნდს მხოლოდ სამი დღეა ვხელმძღვანელობდი.
ვერ გავაკრიტიკებ ვერც მოთამაშეების მონდომებას, ვერც ინტენსივობას და ვერც ბრძოლისთვის მზადყოფნას. უნდა გვახსოვდეს, რომ ეს მხოლოდ დასაწყისია და იმით, რასაც ვხედავ, ძალიან კმაყოფილი ვარ,“ — განაცხადა როსენიორმა ITV-ის ეთერში.
