"აქ მხოლოდ დახარჯული ფულის გამო ვართ“ — გვარდიოლას ხუმრობა და არსენალის სიძლიერის აღიარება

მანჩესტერ სიტის მთავარმა მწვრთნელმა, პეპ გვარდიოლამ, ინგლისის ლიგის თასის ფინალში გასვლა შეაფასა.

ნახევარფინალის განმეორებით მატჩში „ქალაქელებმა“ ნიუკასლი 3:1 დაამარცხეს, ორი მატჩის ჯამში 5:1 იმარჯვეს და გადამწყვეტ ბრძოლაში არსენალს დაუპირისპირდებიან.

Sky Sports-ის ეთერში პეპმა მომავალ მეტოქეზე საუბრისას კომპლიმენტები არ დაიშურა: „სასიამოვნოა არსენალის წინააღმდეგ თამაში. ამ მომენტისთვის ეს ევროპაში და შესაძლოა მსოფლიოშიც კი, უძლიერესი გუნდია. ეს ეხება ყველაფერს — სტატისტიკას, სტაბილურობას და უამრავ დეტალს, რომელსაც ისინი აკონტროლებენ. მათთან ყოველი მატჩი ჩვენ უკეთესს გვხდის“.

ჩვენ აქ [ფინალში] მხოლოდ დახარჯული ფულის გამო ვართ... ხუმრობას თუ გვერდზე გადავდებთ, მართლა ძალიან ბედნიერი ვარ! ეს არ არის რაღაც თავისთავად ცხადი, ვიცი, რამდენად რთულია ამის მიღწევა“.

გადამწყვეტი მატჩი უემბლიზე, 22 მარტს გაიმართება