VIDEO: სენსაციების გარეშე — კარაბაო თასის მეორე ფინალისტიც გაირკვა| როდისაა ფინალი?
04 თებ, 2026 · 0 წთ წასაკითხად
-
Aa
+
ფონტის ზომა
ინგლისის კარაბაო თასის მეორე 1/2 ფინალში მან სიტიმ ნიუკასლი 3:1 დაამარცხა.
პირველი მატჩის სტუმრად 2:0 მოგების შემდეგ, სიტის ერთი დიდი ნაბიჯი ფინალისაკენ უკვე გადადგმული ჰქონდა, დღევანდელი გამარჯვებით კი გუნდმა უბრალოდ საქმე მიიყვანა ბოლომდე და ფინალში დამაჯერებლად, ორი მატჩის ჯამში 5:1 მოგებით გავიდა.
გადამწყვეტ შეხვედრაში გვარდიოლას გუნდი არსენალს დაუპირისპირდება, რომელმაც, თავის მხრივ, ორმატჩიან ნახევარფინალში ჩელსის (4:2) აჯობა.
დღევანდელ მატჩში გოლები ომარ მარმუშმა (დუბლი), ტიჯანი რეინდერსმა და ნიუკასლის მხრიდან ენტონი ელანგამ გაიტანეს.
ინგლისის ლიგის თასის ფინალური შეხვედრა მან სიტისა და არსენალს შორის კი 22 მარტს, უემბლიზე, ტრადიციულად ერთმატჩიან ფორმატში გაიმართება.
