პსჟ-მ სიტის როდრის ტრანსფერზე მიმართა

პარი სენ-ჟერმენმა მანჩესტერ სიტის ოფიციალურად მიმართა, რათა როდრის ტრანსფერის პირობები და დეტალები გამოეკვლია.

როგორც გამოცემა RMC Sport იტყობინება, მიუხედავად იმისა, რომ ფრანგულ გრანდს მიმდინარე ზაფხულს ახალი ნახევარმცველის დამატება გეგმაში არ ჰქონდა, 30 წლის ესპანელი ფეხბურთელის გადაბირების პერსპექტივა მათთვის უნიკალურ შანსად იქცა, მით უმეტეს, რომ მას ანჩესტერულ კლუბთან სულ რაღაც ერთი წელი აკავშირებს.

პსჟ-სთვის ეს გარიგება ძალზე რთული შესასრულებელი იქნება, რადგან სატრანსფერო რბოლაში უკვე რამდენიმე მძიმეწონიანი კონკურენტი მონაწილეობს.

გავრცელებული ინფორმაციით, როდის უკვე პირადი შეთანხმება აქვს მადრიდის რეალთან.

აღსანიშნავია, რომ ტრავმებითა და რთული პერიოდით გამოტოვებული 2025/26 წლების სეზონის შემდეგ, როდიმ შესანიშნავი ფორმა სრულად დაიბრუნა.

მან საკვანძო როლი ითამაშა ესპანეთის ეროვნული ნაკრების წარმატებაში და გუნდს მსოფლიო ჩემპიონატის ტიტული მოაპოვებინა, რის შემდეგაც, ბრწყინვალე ნოკაუტ-ეტაპისა და ფინალური მატჩის წყალობით, ტურნირის საუკეთესო მოთამაშედაც დამსახურებულად დასახელდა.