გვარდიოლა: "პასუხისმგებლობას საკუთარ თავზე ვიღებ"

პეპ გვარდიოლამ ლევერკუზენთან წაგება (0:2) შეაფასა.

„რა ვუთხარი გუნდს გასახდელში მატჩის შემდეგ? ეს ჩვენს შორის რჩება.

პასუხისმგებლობას საკუთარ თავზე ვიღებ, თუმცა ისიც მგონია, რომ დღეს სასტარტოში გამორჩეული ფეხბურთელები დავაყენე. ძალიან დაგვაკლდა ის ყველაფერი, რაც უმაღლეს დონეზე ფეხბურთის სათამაშოდ არის საჭირო. ახლა მომდევნო თამაშებში უნდა ვიბრძოლოთ.

ლევერკუზენი კარგად გამოიყურებოდა. საერთო ჯამში ჩვენც კარგად ვითამაშეთ, უფრო მეტი საგოლე მომენტიც შევქმენით, ვიდრე მეტოქემ, თუმცა ეს უფრო ნახევარ-მომენტები იყო.

10 ცვლილება სასტარტოში? თუ ვიგებთ, ეს პრობლემა არ არის, მაგრამ უნდა ვაღიარო, რომ შესაძლოა, ნამეტანი ყოფილიყო. მაინც მგონია, რომ ყოველ 2-3 დღეში ვთამაშობთ და ცვლილებები აუცილებელია. თუმცა, თუ შედეგს შევხედავთ, ალბათ ზედმეტად ბევრი ცვლილება იყო.

რეალთან მატჩი? იქამდე დიდი დროა." - აღნიშნა პეპმა.