გვარდიოლა: "როცა ჰალანდი დაიღლება, თვითონ მეტყვის"

მანჩესტერ სიტის მთავარმა მწვრთნელმა, პეპ გვარდიოლამ ერლინგ ჰალანდზე ისაუბრა.

„მგონია, რომ ის გოლების გატანით არ არის დაღლილი. შესაძლოა ზოგჯერ დაიღალოს, როცა ძალიან ბევრს თამაშობს, მაგრამ სუონსის წინააღმდეგ არ უთამაშია, ასე რომ ახლა დასვენებულია.

როცა დაიღლება, თვითონ მეტყვის. ადრე ეგ ალბათ შეუძლებელი იყო, რადგან ომარი [მარმუში] დაშავებული გვყავდა, მაგრამ ახლა შემიძლია ცრუ ცხრიანითაც ვითამაშო, მაგალითად რაიან შერკი იმ პოზიციაზე შესანიშნავად ჯდება.

როცა გუნდის ყველა მოთამაშე ხელმისაწვდომია, შეგვიძლია სხვადასხვა სქემითა თამაშის სხვადასხვა სტილით ვითამაშოთ, მოწინააღმდეგის მიხედვით.“ - განაცხადა ესპანელმა სპეციალისტმა.

ინგლისის პრემიერ ლიგის მე-10 ტურში მანჩესტერ სიტი ეტიჰადზე ბორნმუთს მიიღებს. მატჩი 20:30 საათზე დაიწყება.