ბუნდესლიგის პირველ ტურში ბუდუ ზივზივაძის ჰაიდენჰაიმი საკუთარ მოედანზე ვოლფსბურგთან 1:3 დამარცხდა.
პირველი ტაიმი ფრედ 1:1 დასრულდა, შესვენების შემდეგ კი მგლებმა ორი უპასუხო გოლი გაიტანეს და მატჩი დამაჯერებლად მოიგეს.
ბუდუ ზივზივაძემ მატჩი სასტარტო შემადგენლობაში დაიწყო და მოედანზე 71 წუთი გაატარა, თუმცა საგოლე ქმედებით თავის გამოჩენა ვერ მოახერხა.
გამოცემა SofaScore-მ ქართველ ფორვარდს აღნიშნული მატჩისთვის 6.7 შეფასება დაუწერა.
შემდეგ ტურში ჰაიდენჰაიმი 30 აგვისტოს სტუმრად ლაიფციგს დაუპირისპირდება, რომელიც პირველ ტურში ბაიერნთან 0:6 განადგურდა.
