ერლინგ ჰალანდმა მანჩესტერ სიტისა და არსენალის მოახლოებულ დაპირისპირებას ფინალი უწოდა, რომელმაც შესაძლოა პრემიერ ლიგის საჩემპიონო რბოლის ბედი გადაწყვიტოს.
ნორვეგიელმა თავდამსხმელმა მეთოფეები გააფრთხილა, რომ სიტი დარჩენილ ყველა შეხვედრას ისე უდგება, როგორც ფლეი-ოფის გადამწყვეტ მატჩს.
არსენალი ბორნმუთთან დამარცხების შემდეგ სიტიმ ჩელსისთან გაიმარჯვა. ამ შედეგებმა ლონდონელებს მხოლოდ 6-ქულიანი უპირატესობა დაუტოვა, თუმცა პეპ გვარდიოლას გუნდს მარაგში ერთი გამოტოვებული თამაშიც აქვს.
ჰალანდმა განაცხადა:
საუკეთესოების წინააღმდეგ თამაში ყველას გვსურს. ეჭვგარეშეა, რომ ეს უმნიშვნელოვანესი მატჩია. ყველამ ვიცით მისი ფასი - ის ფინალს ჰგავს.
ჰალანდმა აღნიშნა, რომ გუნდში უკვე დამკვიდრდა „ფინალების“ მენტალიტეტი. მისი თქმით, ჩელსისთან დაფიქსირებული შედეგი სწორედ ისაა, რაც მაისის ბოლომდე ყველა შეხვედრაში უნდა აჩვენონ:
გასულ უქმეებზე ჩელსისთან მატჩიც ფინალი იყო. მოდით, გულწრფელები ვიყოთ, მომდევნო ექვსი კვირის განმავლობაში ყოველ შაბათ-კვირას ფინალი გვექნება. ეს ალბათ სეზონის საუკეთესო თამაში იქნება და ვიმედოვნებ, რომ მაყურებელი დიდ სიამოვნებას მიიღებს. სწორედ ასეთ მატჩებში მონაწილეობაზე ოცნებობს ყველა ფეხბურთელი.
