გერმანიის ბუნდესლიგის მე-5 ტურში ბაიერნმა ალიანც არენაზე ვერდერი 4-0 გაანადგურა.
ბრემენელებთან მატჩში დუბლი შეასრულა ჰარი კეინმა, რომელსაც ბაიერნში 100 გოლი დაუგროვდა.
ინგლისელ თავდამსხმელს მიუნხენურ გუნდში 100 გოლის გატანისთვის 104 მატჩი დასჭირდა, რაც ევროპის ტოპ 5 ლიგაში ერთ გუნდში ნაჩვენები საუკეთესო შედეგია.
კეინმა კრიშტიანუ რონალდუსა და ერლინგ ჰალანდის რეკორდი მოხსნა, რომელთაც 100-100 გოლის გასატანად 105 მატჩი დასჭირდათ.
1. ჰარი კეინი (ბაიერნი) - 104 მატჩი
2. კრიშტიანუ რონალდუ (რეალი), ერლინგ ჰალანდი (მანჩესტერ სიტი) - 105 მატჩი
3. ლუის სუარესი (ბარსელონა) - 120 მატჩი
4. ზლატან იბრაჰიმოვიჩი (პსჟ) - 124 მატჩი
ბუნდესლიგის 5 ტურის შემდეგ, კეინის ანგარიშზე 10 გოლი და 3 საგოლე გადაცემაა, ბაიერნი კი ცხრილს უდანაკარგოდ უდგას სათავეში.
VIDEO: კეინის დუბლი და მე-100 გოლი - ბაიერნმა ვერდერი გაანადგურა
