იამალი: „ბერნაბეუზე მე და რაფინიას საშინელებებს გვიყვიროდნენ"

ბარსელონას შემტევმა, ლამინ იამალმა განაცხადა, რომ გულშემატკივრების მხრიდან რასიზმის გამოვლინებები მასზე გავლენას ვერ ახდენს.

– შეხვედრიხართ თუ არა თქვენი მისამართით რასიზმის გამოვლინებებს?

– დიახ, ათასჯერ. ხალხი ირიბად ავლენს რასიზმს, თუმცა, შესაძლოა, ამას ვერც აცნობიერებდნენ. არის ბევრი კომენტარი, ბევრი მზერა, რომლებიც ხშირად რასისტულია, მაგრამ ისინი ამას ვერ ხვდებიან. მე იმ ადგილიდან ვარ, სადაც ასე მიღებული არ არის, რადგან ის, რაც არასწორია, მიუღებელია, თუმცა ეს არ მაწუხებს.

მაგალითად, ცნობილი ვიდეო ბერნაბეუდან, სადაც მე და რაფინიას ათას რამეს გვიყვიროდნენ. ჩემმა რეაქციამ ხალხი გააკვირვა. საბოლოო ჯამში, ის, ვინც შავს მიწოდებს, ვერაფრით მაწყენინებს - მე შავი ვარ და არა სხვა ფერის. სწორია ეს თუ არა - სხვა საკითხია, რადგან ამას დამამცირებელი ფორმით ამბობენ.

ეს არასწორია, თუმცა მატჩზე, სადაც ხალხმა ფული გადაიხადა, რათა ჩემთვის ეყურებინა, არ ვაპირებ გაბრაზებას ვინმეზე, ვინც უპატივცემულობა გამოიჩინა, - განაცხადა იამალმა Movistar Plus-თან ინტერვიუში.