იამალის შეყვარებულის პასუხი კრიტიკოსებს

ბარსელონას ვარსკვლავის, ლამინ იამალის და ინეს გარსიას ერთად გამოჩენამ კლუბის საზეიმო ვახშამზე დიდი ხმაური გამოიწვია.

მათმა საჯარო აღიარებამ სევილიელი კონტენტ-კრეატორის მიმართ კრიტიკის ტალღა ააგორა. სოციალურ ქსელებში გარსიას ხშირად საყვედურობენ, რომ მისი პოპულარობა მხოლოდ ესპანელი ფეხბურთელის დამსახურებაა.

გარსიას პასუხი და დამოუკიდებელი კარიერა

ინეს გარსიამ ერთ-ერთ ინტერვიუში კრიტიკოსებს მშვიდად, ყოველგვარი კონფრონტაციის გარეშე უპასუხა. მან ხაზგასმით აღნიშნა, რომ სოციალურ ქსელებში კონტენტის შექმნა მისი ცხოვრებისა და პროფესიის ნაწილი იამალთან შეხვედრამდე ბევრად ადრე იყო.

ბლოგერმა აღიარა, რომ ნეგატიური კომენტარების იგნორირება რთულია, თუმცა ცდილობს ამ ხმაურს მოერიდოს:

ახლა ჩემს ცხოვრებაში ძალიან მშვიდი და ბედნიერი პერიოდია, რაც მეხმარება, ამხელა ყურადღებას სხვანაირად შევხედო

ის გეგმავს, კარიერა დამოუკიდებლად განავითაროს და მომავალშიც ამ საქმით დაკავდეს.

იამალის ფაქტორი და მუნდიალის მოლოდინი

ეს პირადი ისტორია ლამინ იამალის კარიერის უმნიშვნელოვანეს მომენტს დაემთხვა. ბარსელონაში ჩატარებული ისტორიული სეზონის შემდეგ, 18 წლის ფორვარდი მსოფლიო ჩემპიონატისთვის ესპანეთის ნაკრების მთავარ იმედად ემზადება.

ფეხბურთელის სპორტულმა წარმატებამ მისი პირადი ცხოვრების მიმართ ინტერესიც გააორმაგა, რის გამოც ინეს გარსია ჩვეულებრივი ბლოგერიდან ათასობით ადამიანის ყურადღების ცენტრში მოექცა. მიუხედავად მედიის დიდი წნეხისა, წყვილი ამ ეტაპზე სიმშვიდეს ინარჩუნებს.