იანიკ სინერმა პეკინის ტურნირი მეორედ მოიგო

ჩინეთში პეკინის 500-ქულიანი ტურნირის ფინალი გაიმართა.

ფინალურ შეხვედრაში ერთმანეთს იანიკ სინერი და ლერნერ ტინი დაუპირისპირდნენ.

მატჩი იტალიელის გამარჯვებით 2 სეტში (6-2, 6-2) დასრულდა და სინერმა პეკინში მე-2 ტიტული მოიგო.

სულ კი ეს იანიკის კარიერაში მოგებული 21-ე ტურნირია. მას ბოლო 61 მატჩიდან 56 მოგებული აქვს, 2025 წელს კი მე-3 ტიტული მოიგო.

იტალიელმა პეკინში ჩილიჩი, ატმანი, მაროშანი, დე მინორი და ტინი დაამარცხა.

მორიგი ტიტული - კარლოს ალკარასმა ტოკიოს ტურნირი მოიგო