საქართველოს ფეხბურთის ფედერაციის ვიცე-პრეზიდენტმა, ალექსანდრე იაშვილმა დაადასტურა, რომ ვილი სანიოლი 2026 წელსაც ნაკრების მთავარი მწვრთნელი იქნება.
გაუარესებული შედეგების ფონზე უფრო და უფრო იმატა საუბრებმა ვილის შესაძლო წასვლაზე, თუმცა იაშვილმა ყველაფერს წერტილი დაუსვა და სანიოლის დარჩენა დაადასტურა.
„ჩვენ ერთად დავძლევთ ამ რთულ პერიოდს. ვილი მომდევნო წელსაც საქართველოს მწვრთნელი იქნება.
კონტრაქტზე მნიშვნელოვანი ურთიერთობებია და ის, თუ რა სამუშაოს ატარებს მწვრთნელი გუნდში." - ციტირებს იაშვილის სიტყვებს Geo Team.
საქართველოს ნაკრებმა 2026 წლის მუნდიალზე მოხვედრის პრაქტიკულად ყველანაირი შანსი ჯგუფური ეტაპის ოთხი ტურის შედეგად დაკარგა.
