იბერია ჩემპიონთა ლიგის საკვალიფიკაციო ეტაპს იწყებს

უეფას ჩემპიონთა ლიგის I საკვალიფიკაციო ეტაპის პირველ მატჩს იბერია 1999 8 ივლისს, ტალინის ფლორას წინააღმდეგ სტუმრად გამართავს.

საინტერესოა, როგორ ხვდება საქართველოს მოქმედი ჩემპიონი ამ მნიშვნელოვან მატჩს. თბილისურმა გუნდმა ევროტურნირებისთვის რამდენიმე საინტერესო ტრანსფერი გააკეთა.

გუნდს შეუერთდნენ:

ელდარ კულიევი (უკრაინა, ცენტრალური ნახევარმცველი) - აზერბაიჯანული ზირადან

იბრაჰიმ ალჰასანი (ნიგერია, საყრდენი ნახევარმცველი) - პორტუგალიური ლუროსადან

ვიქტორ მუდრაკი (მოლდოვა, ცენტრალური მცველი) - ყაზახური ორდაბასიდან

ლადო ჩიხრაძე (საქართველო, ცენტრალური თავდამსხმელი) - ტყიბულის მეშახტედან

ანდრეი (ბრაზილია, ცენტრალური მცველი) - აზერბაიჯანული საბაჰიდან

გუნდი დატოვეს თორნიკე ახვლედიანმა და გურამ გოშთელიანმა.

იბერია 1999-ის განაცხადი ჩემპიონთა ლიგის საკვალიფიკაციო ეტაპისთვის ასეთია:

მეკარეები - თორნიკე მეგრელიშვილი, რევაზ კურტანიძე, გიორგი მაკარიძე

მცველები - ვაჰიდ სელიმოვიჩი, ჯემალ-გიორგი ჯინჯოლავა, იბრაჰიმ ალჰასანი, არმელ ზოჰური, ალექსანდრე ამისულაშვილი, ნიკოლოზ ბოჭორიშვილი, ანდრეი ვიქტორი, გიორგი ქობულაძე

ნახევარმცველები - ნიკოლოზ დადიანი, ბაქარ ქარდავა, ზვიად ნაჭყებია, ანდრია ბართიშვილი, ნიკა სიხარულაშვილი, გივი ხაჩიძე, ელდარ კულიევი, გიორგი კუცია, საბა ავდოევი

თავდამსხმელები - ამირან ძაგანია, ლუკას კაფე, ვახო ბედოშვილი, ლადო ჩიხრაძე

მწვრთნელი - ანდრეი დემჩენკო

იბერია 1999-მა მთავარი მწვრთნელი ევროტურნირებამდე რამდენიმე კვირით ადრე შეიცვალა. გუგა ნერგაძე ანდრეი დემჩენკომ შეცვალა. დღეს კი გავრცელდა ინფორმაცია, რომ თბილისურ გუნდში მნიშვნელოვან მატჩამდე კონფლიქტი მოხდა.

სკანდალი იბერიაში - კონფლიქტი მნიშნველოვანი მატჩის წინ

თუ იბერია ესტონური გუნდის ბარიერს დაძლევს, მაშინ შემდეგ ეტაპზე სლოვან ბრატისლავას შეხვდება.

ხოლო თუ თუ დამარცხდება, ასპარეზობას კონფერენს ლიგის მე-2 საკვალიფიკაციო ეტაპზე გააგრძელებს, სადაც საბაჰსა (აზერბაიჯანი) და ნიუ სეინტსს (უელსი) შორის დამარცხებულს დაუპირისპირდება.

ტალინის ფლორასა და იბერია 1999-ის მატჩი 8 ივლისს, საქართველოს დროით 20:00 საათზე დაიწყება.