კიოლნმა ლუკა ლოჩოშვილის ტრანსფერი ოფიციალურად დაადასტურა.
28 წლის ცენტრალური მცველი ბუნდესლიგის კლუბში ნიურნბერგიდან გადავიდა და კონტრაქტი 2029 წლის ივნისამდე გააფორმა.
გასულ სეზონში ლოჩოშვილმა მეორე ბუნდესლიგაში ნიურნბერგის მაისურით 33 მატჩი ჩაატარა, 5 გოლი გაიტანა და 2 საგოლე გადაცემა შეასრულა.
კიოლნის მმართველმა დირექტორმა თომას კესლერმა განაცხადა:
„მოხარულები ვართ, რომ ლუკას დარწმუნება შევძელით და ის კიოლნს შეუერთდა. ბოლო წლებში მან სხვადასხვა კლუბში მნიშვნელოვანი გამოცდილება დააგროვა და ზუსტად იმ პროფილის ფეხბურთელია, რომელსაც ამ პოზიციისთვის ვეძებდით.
თავისი ხასიათით, ორთაბრძოლებში სიძლიერითა და ფიზიკური მონაცემებით, განსაკუთრებით საჰაერო ბრძოლებში, ის ჩვენს დაცვას დამატებით სტაბილურობას შემატებს.
როგორც მარცხენა ფეხით მოთამაშე ცენტრალური მცველი, ის სრულყოფილად ავსებს ჩვენს დაცვის ხაზს და ამ პოზიციაზე გუნდს კიდევ უფრო მეტ ხარისხს მატებს.
დარწმუნებულები ვართ, რომ ლუკა ჩვენთვის შესანიშნავი დამატება იქნება როგორც მოედანზე, ისე მის მიღმა. ამიტომ განსაკუთრებით გვიხარია, რომ მომავალში მას კიოლნის მაისურით ვიხილავთ.“
ლუკა ლოჩოშვილიც მოუთმენლად ელის ახალ გამოწვევას:
„ფეხბურთელს ყოველთვის სურს, რაც შეიძლება მაღალ დონეზე ითამაშოს. ამიტომ ძალიან ბედნიერი ვარ, რომ მომდევნო ნაბიჯს კიოლნში, ბუნდესლიგაში გადავდგამ.
ხელმძღვანელობასთან გამართული საუბრები ძალიან პოზიტიური იყო და სწორედ მათ დამარწმუნეს ამ გზის არჩევაში.
მოუთმენლად ველი ისეთი დიდი ტრადიციების მქონე კლუბის, შესანიშნავი გულშემატკივრებისა და ჩემი ახალი გუნდის წევრი გავხდე.“
