ლიონელ მესიმ მსოფლიო ჩემპიონატსა და მისი მოგების ემოციებზე ისაუბრა.
„მსოფლიო ჩემპიონატის მოგება უმაღლესი მიღწევაა. მსოფლიო ჩემპიონატის შემდეგ მეტი არაფერი შეიძლება გსურდეს. იმ მომენტში განცდების ახსნა ძნელია, სიტყვებით ვერ გადმოსცემ რა ნიშნავდა ეს ტიტული პირადად ჩემთვის, ჩემი ოჯახისთვის, ჩემი თანაგუნდელებისთვის და ქვეყნისთვის.
ცხადი იყო, როგორ ზეიმობდა მთელი ერი, როგორ გვჭირდებოდა და გვინდოდა ყველას, ამდენი ხნის შემდეგ ეს კვლავ მომხდარიყო.
ეს განსაკუთრებული იყო, საკლუბო დონეზე და ინდივიდუალურად უკვე ყველაფერი მქონდა მოგებული. ეს იყო ერთადერთი, რაც მაკლდა, ის, რაც ჩემს კარიერას სრულყოფილს გახდიდა.
როდესაც მსოფლიო ჩემპიონატი მოვიგე, იგივე გრძნობა მქონდა, რაც მაშინ, როცა ჩემი შვილები დაიბადნენ.
ეს ისეთი განსაკუთრებული და უზარმაზარი განცდაა, რომ რაც არ უნდა ვთქვა, მაინც ვერ გადმოვცემ მის სიდიადეს.“ - განაცხადა მესიმ.
