ოფიციალურად შეიძლება ითქვას, რომ ჩირო იმობილემ ლაციო დატოვა და კარიერას თურქეთის ჩემპიონატში გააგრძელებს.
იტალიელმა 2-წლიანი კონტრაქტი ბეშიქთაშთან გააფორმა. ის უკვე ჩაფრინდა სტამბოლში, სადაც ადგილობრივი გულშემატკივრები დახვდენ და შემდეგ სამედიცინო შემოწმებაც გაიარა.
ჩირო ლაციოს ფანტასტიკური წლების შემდეგ დაემშვიდობა. ის რომაულ კლუბში 2016 წლიდან თამაშობდა, 2019-20 წლებში კი ევროპის ოქროს ბუცის მოგებაც მოახერხა, სულ კი გუნდში 340 მატჩი ჩაატარა და 207 გოლი გაიტანა.
34 წლის ასაკში იმობილე თავის ძალებს თურქეთის სუპერ ლიგაში მოსინჯავს.
