ფენერბაჰჩემ ნ’გოლო კანტეს ტრანსფერი ალ-იტიჰადიდან ოფიციალურად გამოაცხადა.
თურქულმა კლუბმა განცხადება გაავრცელა, რომელშიც ქვეყნის პრეზიდენტ რეჯეფ თაიფ ერდოღანს, გარიგების საბოლოოდ დასრულებაში გაწეული „მნიშვნელოვანი მხარდაჭერისთვის“ მადლობა გადაუხადა.
ეს განცხადება გაკეთდა ერთი დღის შემდეგ, რაც ფენერბაჰჩემ საუდის პრო ლიგის კლუბი იმაში დაადანაშაულა, რომ დაგეგმილი ტრანსფერი ჩაიშალა.
ფენერბაჰჩემ სამშაბათს განაცხადა, რომ ალ-იტიჰადს „არ ჰქონდა დასრულებული (აუცილებელი) პროცედურები“, მიუხედავად იმისა, რომ კანტემ სამედიცინო შემოწმება უკვე გაიარა.
ჩელსის ყოფილი ნახევარმცველის წასვლა მოგვიანებით მისმა ყოფილმა კლუბმა სოციალურ ქსელში გამოქვეყნებული ვიდეოთი დაადასტურა.
„ჩემი და ჩვენი კლუბის სახელით, მინდა გულწრფელი მადლობა გადავუხადო ჩვენს პრეზიდენტს, ბატონ რეჯეფ თაიფ ერდოღანს, ამ პროცესის პოზიტიურად დასრულებაში გაწეული მნიშვნელოვანი მხარდაჭერისთვის, რაც ხელს შეუწყობს როგორც ფენერბაჰჩეს, ისე თურქული ფეხბურთის განვითარებას“, - განაცხადა ფენერბაჰჩეს პრეზიდენტმა სადეთინ სარანმა კლუბის ვებგვერდზე.
