შეთანხმება შედგა - სად გადადის რომელუ ლუკაკუ?

რომელუ ლუკაკუ კარიერას ფენერბაჰჩეში გააგრძელებს.

ფაბრიციო რომანოს ინფორმაციით, ნაპოლიმ ტრანსფერს მწვანე შუქი აუნთო და კლუბებს შორის შეთანხმება უკვე მიღწეულია.

გასულ ღამეს ფენერბაჰჩემ ახალი შეთავაზება გააკეთა, რომლის ღირებულებაც 6 მილიონ ევროს აღემატება და ნაპოლიმ ის მიიღო. ლუკაკუმაც თურქულ კლუბთან პირადი კონტრაქტის ყველა პირობა შეათანხმა.

ამ ეტაპზე მხარეებს შორის სიტყვიერი შეთანხმებაა მიღწეული, დღეს კი შესაბამის დოკუმენტაციას შეამოწმებენ.

ბელგიელი თავდამსხმელი ნაპოლიში 2024 წელს ჩელსიდან 30 მილიონი ევროს სანაცვლოდ გადავიდა. ლუკაკუმ გუნდთან ერთად სკუდეტოსა და იტალიის სუპერთასის მოგება მოახერხა.

33 წლის ფეხბურთელს გასულ სეზონში კლუბთან და ანტონიო კონტესთან ურთიერთობა დაეძაბა და გუნდიდანაც მოკვეთეს, ახლა კი იტალიას ტოვებს.