რომელი ინგლისური და იტალიური კლუბები ინტერესდებიან კვერნაძით?

იტალიურ პრესაში გიორგი კვერნაძის შესახებ საინტერესო ინფორმაცია ვრცელდება.

ჟურნალისტ ნიკოლო სკირას ცნობით, ჰალ სიტი ფროზინონეს ქართველი გარემარბის მიმართ ინტერესს იჩენს და ფეხბურთელის პროგრესს აკვირდება.

Tuttosport-ის ინფორმაციით კი, კვერნაძით ნაპოლიც ინტერესდება. გამოცემის ცნობით, ფროზინონესა და კომოს მატჩს, სტადიო ბენიტო სტირპეზე ერთ-ერთი იტალიური კლუბის სკაუტიც დაესწრო, რომელიც კვერნაძის თამაშს დააკვირდა.

,,ნაპოლიში შესაძლო გადასვლა კვერნაძისთვის მისი მეგობრისა და მისაბაძი ფეხბურთელის, ხვიჩა კვარაცხელიას გზის ერთგვარი გამეორება იქნებოდა.

გიორგი კვერნაძის აგენტი მამუკა ჯუღელია, რომელიც კვარაცხელიას ევროპული ფეხბურთის უმაღლეს დონეზე დამკვიდრების პერიოდში წარმოადგენდა.

თუმცა ამ ეტაპზე ფეხბურთელი მთლიანად ფროზინონეზეა კონცენტრირებული და სურს, გუნდს საკუთარი მიზნების მიღწევაში დაეხმაროს. მის მომავალთან დაკავშირებული განხილვების მთავარი თემა კი კვერნაძის შემდგომი განვითარება იქნება." - წერს იტალიური გამოცემა.

კვერნაძე, ლაუტარო და სხვანი - ქართველი სერია ა-ს ტურის გუნდში მოხვდა