ინფანტინო შეცდომებზე ვერ სწავლობს: მორიგი სკანდალური პროექტი

ფიფას პრეზიდენტის, ჯანი ინფანტინოს ახალმა იდეამ საფეხბურთო სამყაროში მორიგი აჟიოტაჟი გამოიწვია.

ავტორიტეტული გამოცემა The Athletic-ის ცნობით, ინფანტინო კერძო ინვესტორებთან ერთად 15-წლამდელთა სრულიად ახალი მსოფლიო ჩემპიონატის შექმნას გეგმავს. ეს სიახლე იმ ფონზე ვრცელდება, როცა ფიფას პრეზიდენტს ორგანიზაციის აქტივების კერძო კომპანიებისთვის მიყიდვის მცდელობის გამო ისედაც მკაცრად აკრიტიკებენ.

ბეისბოლით შთაგონებული ტურნირი

ახალი ტურნირის ინსპირაცია ბეისბოლის ცნობილი ჩემპიონატი (Little League World Series) გახდა. პროექტის მთავარი დეტალები ასეთია:

ტურნირი იქნება ახალგაზრდული საფეხბურთო ფესტივალი, რომელშიც ფიფას წევრი 211-ვე ქვეყანა მიიღებს მონაწილეობას.

პირველი გათამაშება მხოლოდ ბიჭებისთვის ჩატარდება.

მატჩების ხანგრძლივობა შემცირდება.

გუნდები ჩვეულებრივზე პატარა მოედანზე ითამაშებენ.

ჩელსის მფლობელის ჩართულობა და დისნეი

გავრცელებული ინფორმაციით, პროექტს მხარს უჭერს Eldridge Industries -კომპანია, რომელსაც ჩელსისა და ლოს ანჯელეს დოჯერსის მფლობელი ტოდ ბოელი ხელმძღვანელობს. ასევე, მოლაპარაკებები მიმდინარეობს სატელევიზიო ქსელ ESPN-თან. გეგმის მიხედვით, ამერიკაში მატჩებს სწორედ ESPN გააშუქებს, ხოლო ტურნირის გახსნისა და დახურვის ცერემონიები ორლანდოში, Disney World-ის კომპლექსში გაიმართება.

ტურნირის სტატუსი

ამ ახალგაზრდული ტურნირის შექმნის იდეა ფიფას საბჭოზე ჯერ კიდევ 2025 წლის დეკემბერში გაჟღერდა, თუმცა აქამდე უცნობი იყო ტურნირის მარკეტინგული ნაწილი და კერძო ინვესტორების ჩართულობის დეტალები. ამჟამად პროექტი დროებით შეჩერებულია და გაურკვეველია, ის საბოლოოდ გაუქმდა თუ მომავალში კვლავ განახლდება.