რამდენი სარეიტინგო ქულა დააგროვა საქართველომ ევროტურნირებზე?

ევროტურნირების მიმდინარე სეზონში საქართველომ 1.750 ქულა დააგროვა, საიდანაც ნახევარი იბერიას ეკუთვნის.

იბერია 1999 - ჩემპიონთა ლიგა/ევროპა ლიგა - 0.875 ქულა - 50%

დინამო თბილისი - კონფერენს ლიგა - 0.625 ქულა - 35.7%

გორის დილა - კონფერენს ლიგა - 0.250 ქულა - 14.3%

შეგახსენებთ, რომ იბერიას მნიშვნელოვანი მატჩები აქვს დარჩენილი. ევროპა ლიგის მეოთხე საკვალიფიკაციო ეტაპი 20 აგვისტოს იწყება.

პლეიოფში საქართველოს მოქმედი ჩემპიონი პოლონურ იაგელონიას დაუპირისპირდება და ევროპა ლიგის ძირითად ეტაპზე გასვლას შეეცდება, კონფერენს ლიგის ჯგუფური ეტაპი კი იბერიასთვის უკვე გარანტირებულია.

ჩემპიონობა, ბეტისი, რეინჯერსი - რა უნდა ვიცოდეთ იბერიას მეტოქე იაგელონიაზე?

ბოლო 5 სეზონში საქართველომ ყველაზე მეტი ქულა ევროტურნირებზე წელს მოიპოვა და შედეგად ჯამში 6.500 ქულა დაუგროვდა, რითიც უეფას რეიტინგში ჩრდილოეთ ირლანდიას გადაუსწრო და 50-ე ადგილზე დაწინაურდა.

სიაში 49-ე ადგილს გიბრალტარი იკავებს, რომელსაც 6.874 სარეიტინგო ქულა აქვს.