სევილია სატრანსფერო ფანჯრის ბოლო საათებში აქტიურად მუშაობს ნახევარდაცვის გადახალისებაზე და გუნდისთვის იმ ტაქტიკური სტაბილურობის უზრუნველყოფაზე, რომელსაც რამონ სანჩეს პისხუანის გულშემატკივრები ითხოვენ.
Radio Sevilla-ს ჟურნალისტ სანტიაგო ორტეგას ინფორმაციით, სევილიურ კლუბს გიორგი ქოჩორაშვილის ტრანსფერი პრაქტიკულად დასრულებული აქვს.
ქართველი ფეხბურთელი ლუის გარსია პლასას გუნდისთვის მნიშვნელოვანი საერთაშორისო გამოცდილების მქონე შენაძენი იქნება.
წყაროს ცნობით, ხოსე იგნასიო ნავაროს ხელმძღვანელობით სევილიას სპორტულმა მენეჯმენტმა ტრანსფერის ფინანსური პირობები უკვე შეათანხმა:
ქართველი ნახევარმცველი სევილიას იჯარით, 4 მილიონ ევროდ სავალდებულო გამოსყიდვის პირობით შეუერთდება. ალტერნატიული ვარიანტია, რომ კლუბმა ის მიმდინარე სეზონშივე პირდაპირ 4 მილიონ ევროდ შეიძინოს.
კლუბებს შორის შეთანხმება მიღწეულია და ოფიციალურ განცხადებამდე მხოლოდ ბოლო ადმინისტრაციული პროცედურების დასრულებაა დარჩენილი.
მოსალოდნელია, რომ ქოჩორაშვილი სევილიაში დაუყოვნებლივ ჩავა, სამედიცინო შემოწმებას გაივლის და შესაძლოა სან მამესზე ატლეტიკთან მატჩისთვის გუნდის განაცხადშიც მოხვდეს.
