ქართული საკლუბო ფეხბურთის ისტორიაში კიდევ ერთი უმნიშვნელოვანესი მატჩი ხვალ, პოლონეთის ქალაქ ბიალისტოკში, იაგელონიასა და იბერია 1999-ს შორისაა.
საქართველოს ჩემპიონი ევროპა ლიგის მთავარ ეტაპზე მოხვედრასთან ერთ ნაბიჯშია, მარცხის შემთხვევაში კი კონფერენს ლიგის ლიგის ფაზაში ითამაშებს.
პოლონური გაზეთი Wspolczesna იბერიელთა შესახებ წერს და გუნდის ევროტურნირებზე ასპარეზობის ისტორიიდან მნიშვნელოვან მომენტებზე აქცენტირებს.
„როგორც მისი სახელიდან ჩანს, იბერია 1999 წელს დაარსდა, ამიტომ კლუბის ისტორია ხანმოკლეა, მაგრამ ბოლო დროს მნიშვნელოვანი წარმატებებით აღსავსე. თბილისურმა გუნდმა 3-ჯერ მოიგო საქართველოს ჩემპიონატი (მათ შორის ბოლო ორი სეზონი) და 3-ჯერ ქვეყნის თასი.
იაგელონიას მეტოქეს ევროპულ ასპარეზზე დიდი წარმატება არასდროს ჰქონია, მაგრამ მეტ-ნაკლებად ცნობადი გუნდებიდან შერიფ ტირასპოლი და პარტიზან ტირანა ჰყავს გამოგდებული.
გარღვევა ამ სეზონში მოხდა, როდესაც ჩრდილოეთ ირლანდიის ლარნი დაამარცხეს და კონფერენს ლიგის ლიგის ფაზაში თამაში გაინაღდეს. ამ ტურნირის მთავარ ეტაპზე არც ერთ სხვა ქართულ გუნდს უთამაშია.
იბერიის გუნდს აკლია ცნობილი სახელები, transfermarkt-ზე მთელი გუნდი 6.1 მლნ ევროდ არის შეფასებული (იაგელონია 29.3 მლნ ევროდ ფასდება). ყველაზე ძვირადღირებული ფეხბურთელი ქართული ფეხბურთის ამომავალი ვარსკვლავი, 17 წლის ანდრია ბართიშვილია", - წერს გამოცემა Gazeta Wspolczesna.
იაგელონიასა და იბერია 1999-ის მატჩი 20 აგვისტოს, ჩვენი დროით 20:00 საათიდან ბიალისტოკში გაიმართება. გუნდები ერთ კვირაში მიხეილ მესხის სახელობის სტადიონზე შეხვდებიან.
ჩემპიონობა, ბეტისი, რეინჯერსი - რა უნდა ვიცოდეთ იბერიას მეტოქე იაგელონიაზე?
რამდენჯერ უთამაშიათ ქართულ კლუბებს პოლონურებთან და როგორია შედეგები?
