ფიფას პრეზიდენტ ჯანი ინფანტინოს პოზიციები ორგანიზაციაში კიდევ უფრო შეირყა მას შემდეგ, რაც უნგრეთის ფეხბურთის ფედერაციის ხელმძღვანელმა და ფიფას მეხუთე ვიცე-პრეზიდენტმა, შანდორ ჩანიმ მის წინააღმდეგ ღიად ილაპარაკა.
The Guardian-ის ინფორმაციით, ჩანიმ ინფანტინოს მკაცრი წერილი გაუგზავნა და განაცხადა, რომ მასში რწმენა და ნდობა სრულად დაკარგა.
უნგრელის თქმით, ბოლო წვეთი კევინ ლამურის მოულოდნელი გათავისუფლება გახდა, რომელიც ინფანტინომ მსოფლიო ჩემპიონატის აქციების კერძო ინვესტორებისთვის მიყიდვის გეგმის საჯარო კრიტიკის გამო მოხსნა თანამდებობიდან.
ჩანიმ ასევე ხაზი გაუსვა ინფანტინოს არასწორ პროფესიულ გადაწყვეტილებებს და მსოფლიო ჩემპიონატის გარშემო არსებულ საკამათო საკითხებს.
შანდორ ჩანი ფიფას უკვე მეხუთე ვიცე-პრეზიდენტია, რომელიც ინფანტინოს უპირისპირდება. მანამდე მსგავსი პოზიცია უეფას პრეზიდენტმა ალექსანდერ ჩეფერინმა, ვიქტორ მონტალიანიმ, შეიხ სალმან ბინ იბრაჰიმ ალ ხალიფამ და დები ჰუიტმაც დააფიქსირეს.
