მილანის ინტერი მანჩესტერ იუნაიტედის თავდამსხმელის, რასმუს ჰოილუნდის შეძენით ინტერესდება.
ფაბრიციო რომანოს ინფორმაციით, ნერაძური რამდენიმე დღის წინ დანიელი ფორვარდის წარმომადგენლებს დაუკავშირდა და მოლაპარაკებები წამოიწყო.
ამ ეტაპზე გადაწყვეტილი არაფერია, თუმცა ჰოილუნდი ინტერისთვის ფორვარდის პოზიციის გაძლიერების ერთ-ერთი მთავარი კანდიდატია პარმას ანჟ-იოან ბონისთან ერთად.
საკმაოდ დიდი შანსი არსებობს იმის, რომ რასმუს ჰოილუნდი, ისევე როგორც მანჩესტერის სხვა არაერთი ფეხბურთელი, ამ ზაფხულს კლუბს შეიცვლის.
დანიელი მანჩესტერს ორი წლის წინ ატალანტადან შეუერთდა. განვლილ სეზონში მან პრემიერ ლიგის 32 მატჩში 4 გოლი და 1 ასისტი მიითვალა, მთლიანად სეზონში კი 52 თამაშშ 10 გოლი და 4 საგოლე პასი დაუგროვდა.
