ინტერის მეკარემ ჟოზეპ მარტინესმა შშმ პირთა ეტლით მოსარგებლე გაიტანა.
La Gazzetta dello Sport-ის ინფორმაციით, ინციდენტი დღეს დილით, კომოს პროვინციაში მოხდა. ავტომობილი, რომელსაც მარტინესი მართავდა, 81 წლის ელექტრონული ეთლით მოსარგებლეს დაეჯახა. მიუხედავად სასწრაფო დახმარების სწრაფი რეაგირებისა, დაზარალებული ადგილზე გარდაიცვალა.
ინტერის მეკარე არ დაშავებულა, თუმცა წყარო ხაზს უსვამს, რომ შოკურ მდგომარეობაში იმყოფება.
პირველადი ვერსიით, მოხუცებული ადამიანი გადაადგილების დროს სავარაუდოდ შეუძლოდ გახდა და მოულოდნელად საავტომობილო მანქანაზე გადმოვიდა.
ასევე ისიც იწერება, რომ მარტინესმა დაზარალებულისთვის გადაუდებელი დახმარების გაწევა სცადა. ფეხბურთელი პოლიციასთან ინციდენტის მიზეზების დადგენაშიც მონაწილეობს.
ინტერის მწვრთნელმა, კრისტიან კივუმ, მომხდარის გამო დღევანდელი მატჩის წინა პრესკონფერენცია გააუქმა.
