,,ისეთ მონდომებას ვეღარ ვხედავ" - მალდინი იტალიის ნაკრებზე

პაოლო მალდინიმ იტალიის ნაკრების მიერ კიდევ ერთი მსოფლიო ჩემპიონატის გამოტოვებაზე ისაუბრა.

„როდესაც იტალიის ფორმას იცვამ, შენთან ერთად მიგაქვს ისტორია, პასუხისმგებლობა და სიამაყე. ეს უბრალოდ რომელიმე ნაკრები არ არის, ეს ფეხბურთის ისტორიაში ერთ-ერთი უდიდესი გუნდია.

ერთი მსოფლიო ჩემპიონატის გამოტოვება სიგნალია. ორი - უკვე კრიზისია... მაგრამ ზედიზედ სამი სრული კატასტროფაა.

ჩვენს დროს ტალანტი მნიშვნელოვანი იყო, მაგრამ მენტალიტეტი ყველაფერს წყვეტდა. დისციპლინა, თავგანწირვა, ემბლემის პატივისცემა... ეს ყველაფერი არ ექვემდებარებოდა განხილვას.

დღეს იმავე დონის მონდომებას ვერ ვხედავ. ვერ ვხედავ ფეხბურთელებს, რომლებიც მზად არიან ყველაფერი გაიღონ ამ ფორმისთვის... ბოსნიასთან მარცხი უბრალოდ შედეგი არ არის, ეს უფრო ღრმა პრობლემის ანარეკლია.

იდენტობის, სიამაყისა და პასუხისმგებლობის გარეშე, იტალია აღარ არის იტალია.“ - განაცხადა ლეგენდარულმა იტალიელმა.