უილიამსის მრბოლელმა კარლოს საინსმა სინგაპურის გრან პრის დროს ფორმულა 1-ის სატელევიზიო გაშუქება იმ მიზეზით გააკრიტიკა, რომ ეთერში რბოლის მნიშვნელოვანი ეპიზოდები გამოტოვეს და ყურადღება ცნობილ ადამიანებსა და შეყვარებულებზე გადაიტანეს.
საინსი უკმაყოფილო იყო იმით, რომ არ აჩვენეს მისი რამდენიმე გადასწრება და აგრეთვე ალონსოს დევნა ჰამილტონის წინააღმდეგ.
„დიახ, ეს უკვე ტენდენციად იქცა, ალბათ ასეა იმიტომ, რომ იყო დრო, როცა ადამიანებს ჩვენი შეყვარებულებისა და ცნობილი ადამიანების რეაქციები პირდაპირ ეთერში აინტერესებდათ.
მე მესმის, რომ თუ გადასწრება ხდება ან რბოლაში ძალიან დაძაბული მომენტია, შეიძლება რეჟისორებმა აჩვენონ მათი რეაქცია - რადგან ხედავენ, რომ ეს ადრე მუშაობდა, ამიტომაც აკეთებენ ამას. მაგრამ ეს უნდა ხდებოდეს იმ შემთხვევაში, როცა პატივს სცემენ რბოლის არსს და აჩვენებენ მნიშვნელოვან მომენტებს.
წინა შაბათ-კვირას ჩემი ოთხი ან ხუთი გადასწრებიდან არცერთი არ უჩვენებიათ რბოლის ბოლოს, არც ფერნანდოს დევნა ლუისის წინააღმდეგ. ბევრი რამ გამოტოვეს. ასე რომ, სხვა რაღაცების ჩვენება კარგია, სანამ არ კარგავ მთავარს. ჩემთვის, ისინი უკვე ცოტათი აჭარბებენ ცნობილ ადამიანებსა და შეყვარებულებზე ყურადღების გამახვილებას.“ - განუცხადა საინსმა ესპანურ El Partidazo de COPE-ს.
