ბეტისის ნახევარმცველის, ისკო ალარკონის პრობლემები გრძელდება.
ფეხბურთელისთვის წინა სეზონი წვივის მოტეხილობის გამო ნაადრევად დასრულდა - როგორც იწერება, მის წაყვანას ესპანეთის ნაკრების მწვრთნელი, ლუის დე ლა ფუენტე ევრო 2024-ზე აპირებდა, მაგრამ ტრავმამ ყველაფერი ჩაუშალა.
თითქოს, ახალი სეზონის დაწყების წინ ისკოს პრობლემები უნდა დამთავრებულიყო და მას მოედანზე ელოდებოდნენ.
თუმცა, როგორც ესპანური პრესა იუწყება, ალარკონის ტრავმა იმაზე რთული აღმოჩნდა, ვიდრე თავდაპირველად ვარაუდობდნენ. ამის გამო, მას განმეორებითი ოპერაციაც კი დასჭირდება.
საბოლოოდ, რეალის ექს-ფეხბურთელი დიდი ალბათობით კიდევ 3-4 თვეს იუქმებს.
